Völlurinn er hannaður af Frank Pennink og var fyrst opnaður árið 1973. Þessi 18 holu, par 72 völlur, er oft kallaður "Wentworth Lissabon" vegna náttúrufegurðar sinnar og krefjandi hönnunar. Völlurinn liggur um þéttan furuskóg og krefst nákvæmni í upphafshöggum til að ná góðum árangri. PGA Aroeira No.1 hefur hýst Portúgalska Opna mótið árin 1996 og 1997 og er metinn meðal 100 bestu valla í meginlandi Evrópu samkvæmt Golf World tímaritinu.

Opnaður í apríl árið 2000 og hannaður af Donald Steel. Þessi 18 holu völlur er yfir 6.300 metrar að lengd frá öftustu teigum. Völlurinn býður upp á krefjandi upplifun með fimm stórum vötnum, vel staðsettum sandglompum og bylgjóttum flötum. PGA Aroeira No.2 hefur verið vettvangur tveggja móta í Ladies European Tour og er hannaður til að hýsa mót á hæsta stigi.

Hótelið samanstendur af 66 rúmgóðum tveggja manna herbergjum og tveimur svítum, hannað með þægindi og slökun í huga. Öll herbergi sem viðskiptavinir Elite Ferða munu gista í verða með útsýni að garði og hótelsundlaug. Herbergin eru búin LCD sjónvörpum með innlendum og alþjóðlegum rásum, ókeypis Wi-Fi, minibar og öryggishólfi. Herbergisþjónusta er í boði allan sólarhringinn, alla daga vikunnar. 

Á hverjum föstudegi er vínsmökkun í boði fyrir hótelgesti að kostnaðarlausu og hvern eftirmiðdag er boðið upp á te tíma þar sem hótelgestir geta fengið sér te og kökur að endurgjaldslausu. Fyrir matgæðinga er INPAR veitingastaðurinn á hótelinu þekktur fyrir hágæða matargerð og fjölbreytt úrval af vínum. Einnig er Pine Bar á staðnum þar sem gestir geta notið drykkja í notalegu umhverfi. 

Með nálægð við bæði Lissabon, fallegar strendur og tvo frábæra golfvelli, sameinar Aroeira Lisbon Hotel allt það sem kylfingar, og aðrir hótelgestir sækjast eftir.

Hótelið er staðsett ca. 300 metra frá PGA Aroeira 2 og ca 1 km frá PGA Aroeira 1 - Skutl þjónusta er í boði á báða golfvelli.